ತಮಿಳು ‘ಅರ್ಜುನ್‌ ರೆಡ್ಡಿ’ಯಲ್ಲಿ ಅಚ್ಯುತ್‌ ಕುಮಾರ್‌

ಸ್ಯಾಂಡಲ್‌ವುಡ್‌ನ ಪ್ರತಿಭಾವಂತ ನಟ ಎಂದೇ ಹೆಸರು ಮಾಡಿರುವ ಅಚ್ಯುತ್‌ ಕುಮಾರ್‌ ಈಗ ಅರ್ಜುನ್‌ ರೆಡ್ಡಿ ಸಿನಿಮಾದ ತಮಿಳು ರಿಮೇಕ್‌ನಲ್ಲಿ ನಟಿಸುತ್ತಿದ್ದಾರೆ. ತೆಲುಗಿನಲ್ಲಿ ದೊಡ್ಡ ಯಶಸ್ಸು ಕಂಡ ಅರ್ಜುನ್‌ ರೆಡ್ಡಿ ಎಲ್ಲ ಭಾಷೆಗಳಿಗೂ ರಿಮೇಕ್‌ ಆಗುತ್ತಿದೆ . ತಮಿಳಿನಲ್ಲಿ ಚಿಯಾನ್‌ ವಿಕ್ರಮ್‌ ಅವರ ಪುತ್ರ ಧ್ರುವ್‌ ನಟಿಸುತ್ತಿದ್ದು, ಈ ಸಿನಿಮಾದಲ್ಲಿ ನಾಯಕಿಯ ತಂದೆಯ ಪಾತ್ರದಲ್ಲಿ ಅಚ್ಯುತ್ ಕುಮಾರ್‌ ನಟಿಸುತ್ತಿದ್ದಾರೆ. ಕಳೆದವರ್ಷ ತಮಿಳಿನಲ್ಲಿ ಬಿಡುಗಡೆಯಾಗಿದ್ದ ವಿಕ್ರಂ ವೇದಾ ಸಿನಿಮಾದಲ್ಲಿ ಅಚ್ಯುತ್ ಅವರು ಪಾತ್ರ ಬಹಳ ಮೆಚ್ಚುಗೆ ಪಡೆದಿತ್ತು. ಅದಾದ ಮೇಲೆ ಅವರಿಗೆ ತಮಿಳಿನಿಂದ ಬಹಳಷ್ಟು ಆಫರ್‌ಗಳು ಬರುತ್ತಿವೆ